[i55a]                                           DE LA VILLE DE PARIS.                                                  15
XXI. — [Mandement aux seize Quarteniers.]
25 septembre 1552. (A fol. 3 r°.)
Le xxve jour de Septembre mil v° cinquante deux, mess" les Prevost des Marchans et Eschevins de la ville de Paris, estans en leur Petit Bureau del'Os-tel de lad. Ville, assemblez pour les affaires d'icelle, ont ordonné mandemens estre expédiez et portés aux seize Quarteniers de la Ville pour eulx trouver
demain, àune heure de relevée, enl'OsteldelaVille, pour leur faire plusieurs remonstrances de ce qu'ilz doibvent faire chascun en son quartier, durant ce temps de guerre, pour la police, seureté, tuition et deffence d'icelle Ville.
XXII. — Pour la police de la Ville.
26 septembre 1
Du xxvie jour dud. moys de Septembre mil vclii.
En Assemblée ce jourd'huy faicte, en l'Ostel de la ville de Paris, de mess" les Prevost des Marchans, Eschevins et Quarteniers de ladicte Ville, pour plu­sieurs affaires concernans la police, seureté, tuition et deffence d'icelle Ville; en laquelle.se sont trouvez c'est assavoir :
monsr le Prevost des Marchans, m" Christoffle de Thou ;
mess" Lormier, Des Prez, Le Lorrain et de Breda, Eschevins ;
sires Jehan Basannier, Jehan de Saint Germain, Guillaume Danès, me Pierre Pellerin, me Piene Gohory, Nicolas Hac, Jehan Lescallopier, et Jehan Boucher, Quarteniers de lad. Ville.
Ausqués mond. mr le Prevost des Marchans a re­monstré qu'il est venu plaincte à la Ville de ce que les portes d'icelle ne sont ouvertes aux heures deues et acoustumées, contre la commodité de la chose publique, mesmes que le jour d'hier la porte Sainct Michel, par où passent ies postes, tant en entrant que sortant lad. ville, n'estoit ouverte à six heures du matin.
Pour les baux des portes de la Ville.
A ceste cause leur a esté ordonné faire descrip­tion, chascun en son quartier, des proprietaires et locatifz de toutes lesd, portes, les noms et surnoms de tous ceux qui les occupent, et à quel pris; ce faict, qu'ilz enjoignent aux preneurs desdictes portes mettre par devers eulx ieurs lettres de baulx qu'ilz pretendent avoir desdictes portes, pour les apporter
552. (A fol. 3 r°.)
au Bureau de lad. Ville; et après avoir iceulx veuz, en ordonner comme de raison.
RaCOUSTREMENT DES CHESNES ET ROUETZ
de LA Ville. Qu'ilz advisent, chascun cn droit soy, faire re­mettre les. chesnes.et rouetz de lad. Ville en bon estat dedans huitaine : sur peyne de les y faire mettre aux despens de ceulx à qui appartiennent les maisons où sont lesd, chesnes et rouetz.
Et pour ce que tous lesd. Quarteniers ne sont comparuz cn lad. Assemblée, a esté ordonné à ceulx qui estoient presens dc advertir leurs compaignons de ce que dessus, et au Greffier dc lad. Ville de expedier mandemens à tous les seize Quarteniers pour eulx transporter es portes de lad. Ville qui sont en leursd, quartiers,et prandre les noms et surnoms des proprietaires et locatifz qui occuppent les logis et demourances desd.portes, dont lesd. Quarteniers feront leur procès verbal, qu'ilz envoyront inconti­nant par devers mesd. S".
Enjoindront aussi aux proprietaires et preneurs desd, portes, demeurances et lieux adjacens, qu'ilz ayent à apporter dedans trois jours, au Bureau de lad. Ville, les baulx qu'ilz en ont; oultre que leurs Cinquanteniers et Dixiniers facent remettre lesd, chesnes et rouetz de lad. Ville en bon estat dedans huitaine, par ceulx ausquelz les maisons ap­partiennent où sont attachez lesd, chesnes et rouetz : sur peyne de les y faire mettre à leurs despens.